ಕೋಳಿ ರೊಟ್ಟಿ

ಕೋಳಿ ರೊಟ್ಟಿ 

 

ಕುಂದಾಪುರ ಸ್ಪೆಷಲ್ ಕೋಳಿ ರೊಟ್ಟಿ ಮನೆಯಲ್ಲಿ ಮಾಡಿನೋಡಿ. 

ಕೋಳಿ ರೊಟ್ಟಿ ಮಾಡುವ ವಿಧಾನ :

1. ಚಿಕನ್ ಅನ್ನು ಸ್ವಚ್ ಗೊಳಿಸಿ ಮತ್ತು ಒಂದು ಗಂಟೆ ಅಥವಾ ಅದಕ್ಕಿಂತ ಹೆಚ್ಚು ಕಾಲ ನೆನೆಯಲು ಬಿಡಿ.
2. ಕಡಾಯಿಯನ್ನು ತೆಗೆದುಕೊಂಡು ತುಪ್ಪದಲ್ಲಿ ಈರುಳ್ಳಿ ಮತ್ತು ತೆಂಗಿನಕಾಯಿ ಹಾಕಿ 5 - 7 ನಿಮಿಷ ಕಡಿಮೆ ಉರಿಯಲ್ಲಿ ಅದು ಕಂದು ಬಣ್ಣ ಬರುವ ತನಕ ಹುರಿದು ಕೊನೆಯದಾಗಿ ಅರಿಶಿಣ ಪುಡಿ ಹಾಕಿ ಮತ್ತು ಒಂದು ನಿಮಿಷ ಬೇಯಿಸಿ ಕಡಾಯಿ ಇಂದ ತೆಗೆದು ತಣ್ಣಗಾಗಲು ಪಕ್ಕಕ್ಕಿರಿಸಿ.
3. ನಂತರ ಶುಂಠಿ ಮತ್ತು ಹುಣಸೆಹಣ್ಣು  ಸೇರಿಸಿ ಮಿಕ್ಸರ್ ಗ್ರೈಂಡರ್ನಲ್ಲಿ ಸಾಕಷ್ಟು ಪ್ರಮಾಣದ ನೀರನ್ನು ಸೇರಿಸಿ ಅದನ್ನು  ಪೇಸ್ಟ್ ಆಗಿ ಮಾಡಿ.
4. 1 ಟೀಸ್ಪೂನ್ ತುಪ್ಪ , ದಾಲ್ಚಿನ್ನಿ ಮತ್ತು ಲವಂಗ ಒಂದು ಪಾತ್ರೆಯಲ್ಲಿ ಬಿಸಿ ಮಾಡಿ ಕೆಲವು ಸೆಕೆಂಡುಗಳ  ನಂತರ  ಈರುಳ್ಳಿ ಮತ್ತು ಟೊಮೆಟೊ ಹಾಕಿ  ಅದು ಕಂದು ಬಣ್ಣ ಬರುವವರೆಗೆ ಹಾಗೂ  ಮೆತ್ತಗಾಗುವವರೆಗೆ ಬೇಯಿಸಿ  ನಂತರ  ಚಿಕನ್ನ ಸೇರಿಸಿ ಸ್ವಲ್ಪ ಸಮಯದವರೆಗೆ ಬೇಯಿಸಿ.
5. ತುರಿದ ತೆಂಗಿನಕಾಯಿಯಿಂದ ತೆಂಗಿನ ಹಾಲನ್ನು ತೆಗೆಯಿರಿ.
6. ನಂತರ ಮಸಾಲೆ ಪೇಸ್ಟ್ ಗೆ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಅದಕ್ಕೆ ತೆಂಗಿನ ಹಾಲು ಸೇರಿಸಿ ಒಂದು ಮುಚ್ಚಳದಿಂದ ಮುಚ್ಚಿ 5 ನಿಮಿಷ ಬೇಯಲು ಬಿಡಿ.
7. ಕೊನೆಯದಾಗಿ ಒಂದು ಚಮಚ ತುಪ್ಪ ಸುರಿಯಿರಿ ನಂತರ ಒಲೆಯನ್ನು ಆಫ್ ಮಾಡಿ.
8. ಅಂಗಡಿಯಿಂದ ರೊಟ್ಟಿಯನ್ನು ಖರೀದಿಸಿ, ಅವುಗಳನ್ನು ಸ್ವಲ್ಪ ಪುಡಿಮಾಡಿ ಮತ್ತು ಚಿಕನ್ಸಾಂಬಾರ್,ಅದರ ಮೇಲೆ ಸುರಿಯಿರಿ ಹಾಗೂ ನೀವು ತಿನ್ನುವ ಮೊದಲು ಅದನ್ನು ಸ್ವಲ್ಪ ನೆನೆಯಲು ಬಿಡಿ. ಈಗ ರುಚಿಕರವಾದ ಕೋಳಿ ರೊಟ್ಟಿ ಸವಿಯಲು ಸಿದ್ಧ.

ನಿಮಗೆ ಈ ರೆಸಿಪಿ ಇಷ್ಟವಾದಲ್ಲಿ ದಯವಿಟ್ಟು ಇದನ್ನು ಶೇರ್ ಮಾಡಿ,ಧನ್ಯವಾದಗಳು.🙏